Ákveðið hefur verið að prófkjör Sjálfstæðisflokksins, vegna uppstillingar á lista fyrir bæjarstjórnarkosningarnar í maí, verði haldið föstudaginn 13. mars nk. Kjörstaður verður í Ásgarði og þar mun utankjörfundaratkvæðagreiðsla einnig fara fram dagana fyrir prófkjörsdaginn. Opnunartími verður auglýsur sérstaklega þegar nær dregur.

Þeir sem áhuga hafa á að taka virkan þátt í starfi Sjálfstæðisflokksins og hafa áhuga á rekstri bæjarfélagsins og mótun þess í nútíð og framtíð eru hvattir til að gefa kost á sér í prófkjörinu. Allir flokksbundnir sjálfstæðismenn, búsettir í Vestmannaeyjum og kjörgengir í næstu kosningum geta boðið sig fram.

Framboðsfrestur er til kl. 18:00 föstudaginn  27. febrúar nk. og er framboðum skilað rafrænt á mínum síðum xd.is.

Allar nánari upplýsingar varðandi framboð og framkvæmd prófkjörs er að finna á auglýsingum á netmiðlum blaðanna sem gefin eru út í Eyjum en auk þess má finna ítarlegar upplýsingar á þessum hlekk https://xd.is/profkjor-vestmannaeyjum-13-mars/

Við hvetjum áhugsasamt fólk á öllum aldri til að kynna sér prófkjörið og gefa kost á sér til kjörs í því.

Kjörnefnd vegna prófkjörsins skipa: Grímur Gíslason, formaður, Bjarni Ólafur Guðmundsson, Sigurbergur Ármannsson, Theodora Ágústsdóttir, Arndís Bára Ingimarsdóttir, Herdís Hermannsdóttir og Thelma Hrund Kristjánsdóttir.

Kjörnefnd Sjálfstæðisflokksins í Vestmannaeyjum