Sjálfvirknin orðin meiri í fiskvinnslunni

Richard Bjarki Guðmundsson rafvirki hefur unnið hjá Vinnslustöðinni í Vestmannaeyjum frá janúar 2012 eða í um 13 ár. Rikki eins og hann er oftast kallaður er fæddur hér í Vestmannaeyjum árið 1980 og er giftur Ástu Hrönn Guðmannsdóttur, hárgreiðslukonu og saman eiga þau þrjú börn; Söru Dröfn, Birnir Andra og Heklu Hrönn.

Að loknu stúdentsprófi úr Framhaldsskólanum í Vestmannaeyjum tók Rikki sér smá hlé áður en hann hóf nám í rafvirkjun við Iðnskólann í Hafnarfirði. Þaðan lauk hann námi og hefur síðan þá aflað sér frekari menntunar og er í dag meistari í rafvirkjun sem og Marel tæknir frá Fisktækniskóla Íslands, sem er menntun sem nýtist honum í daglegu starfi.

Þess má geta að Rikki á einni sérstaka tengingu við Eyjafréttir, en hann bar blaðið í fjölda ára. „Ég byrjaði að bera út Fréttir árið 1992, eða um svipað leyti og blaðið varð áskriftarblað. Ég var með hverfi 2 í 23 ár – alveg þangað til árið 2015,“ segir Rikki. Við fengum að spjalla við Rikka varðandi störf hans hjá Vinnslustöðinni

„Starfið mitt hjá VSV er mjög fjölbreytt og enginn dagur er eins, segir Rikki. Við rafvirkjarnir sinnum öllu sem við kemur rafmagni hjá VSV og dótturfyrirtækjum þess bæði búnaði og fasteignum fyrirtækisins.

Rikki segir að margt hafi breyst á þeim tíma sem hann hefur unnið sem rafvirki. Tæknin í fiskvinnslu hefur til dæmis breyst mikið með árunum þar sem sjálfvirknin hefur aukist mjög mikið. Að hans mati eru breytingarnar jákvæðar þar sem þær bæta vinnuaðstöðu starfsfólks, skila betri gæðum afurða og auka afkastagetu.“

Þrátt fyrir þessa jákvæðu þróun hefur vinnan einnig sínar sveiflur. „Loðnuvertíðin hefur til dæmis bein áhrif á okkar störf. Í ár var hún lítil sem engin og það hefur auðvitað áhrif – bæði á okkur rafvirkjana og alla aðra sem koma að vinnslu,“ segir Rikki að lokum.

Nýjustu fréttir

Fréttir

Hvað kostuðu þjóðlendukröfur ríkisins í Eyjum?

Samgöngur

Bæjarráð ræddi stöðu dýpkunarmála í Landeyjahöfn

Menntamál

Birting á námsframvindu barna í lesskilningi, stærðfræði og lesfimi

Áhugavert

Undankeppni Stíls á morgun

Fréttaskýring

Versnandi afkoma bæjarins

Úr blaði Eyjafrétta

Nýtt líf og Leikfélag Vestmannaeyja

Fréttir

Tveir dæmdir eftir þjófnað úr dósagámi ÍBV

Fréttatilkynning

Aglow samvera í kvöld

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki