Vikan var með rólegra móti hjá lögreglu og engin alvarleg mál sem upp komu. Skemmtana hald helgarinnar fór fram með ágætum og lítið um að höfð voru afskipti af gestum öldurhúsanna. Aðfaranótt 22. september var lögregla tilkynnt um mann sem hafði gengið berserksgang á einu af öldurhúsum bæjarins og hafði hann m.a. slegið dyravörð og brotið ýmislegt lauslegt þarna inni. Maðurinn var hins vegar farinn af staðnum þegar lögreglu bar að garði en engin kæra liggur fyrir að svo stöddu.