Kvennalið ÍBV lagði Fram að velli í dag 25:20, eftir að staðan í hálfleik hafði verið 12:9 ÍBV í vil. Eyjakonur höfðu undirtökin í fyrri hálfleik og enduðu með góðum spretti sem skilaði liðinu þriggja marka forystu. Heimaliðið tók svo öll völd á vellinum í upphafi síðari hálfleiks en gestirnir úr Fram neituðu að gefast upp og náðu að minnka muninn niður í tvö mörk, 18:16. En þá tók ÍBV aftur við sér, jók muninn á ný og tryggði sér að lokum stigin tvö sem í boði voru.