Strákarnir taka á móti Víkingi á Hásteinsvelli
Hermann Hreiðarsson. ÍBV

Karlalið ÍBV í knattspyrnu tekur á móti Víkingi á Hásteinsvelli í dag kl. 18:00. Mikil spenna var í kringum ÍBV liðið fyrir landsleikjahléið og báðum við þjálfara liðsins, Hemma Hreiðars, að fara yfir stöðuna með okkur.

„Já, ég er bara bjartsýnn á gengi liðsins, hér er engin uppgjöf og fullt af karakter í liðinu.“  

„Það sést kannski ekki alveg á niðurstöðunni núna og við erum full meðvitaðir um það, hvar við erum staddir í deildinni. En við erum með ungt lið, hér eru nýjir leikmenn að stimpla sig inn og spila frábærlega. Sjálfstraustið er smám saman að aukast, sem skilar sér í öruggari leikmönnum og samstilltara liði.“

„Í raun og veru er tölfræðin okkar í leikjunum sjálfum ekkert svo slæm, það er ekki eins og við séum í nauðvörn. En svo eru það svona nokkur lítil atvik nánast eftir hvern einasta leik, sem hefðu getað fallið í hvora áttina sem er, sem hafa bara ekki verið að falla með okkur.“ 

Nú er landsleikjahlé í deildinni og næsti leikur ekki fyrr en 15. júní,  hvernig munuð þið nýta þetta hlé? 
Við munum nýta þetta hlé alveg í botn, það er ennþá fullt af leikjum eftir og við ætlum okkur að snúa þessu við. Það er alveg að fara að gerast, eins og það sé stífla sem eigi eftir að bresta. Því mun fylgja enn meira öryggi og trú. Við erum tilbúnir að leggja allt í sölurnar og ég er viss um að þetta mun jafnast út á endanum. Það er eldhugur í liðinu, mikil stemmning og við komum fjórefldir til baka. En við þurfum að vanda okkur og taka öll atriði alvarlega.“

„Stuðningur úr stúkunni er alltaf góður, orkan og tryllingurinn þaðan skilar sér alveg inn á völlinn.“

Núna þegar handbolta vertíðinni er alveg lokið munu stuðningsmenn ÍBV kannski skila sér betur á völlinn til okkar.“ Segir Hemmi að lokum. 

Ítarlegra viðtal Við Hermann Hreiðarsson er að finna í síðasta blaði Eyjafrétta.
Mynd: Sigfús Gunnar

Nýjustu fréttir

Aðsend grein
Veit Inga hvað hún syngur?
Aðsent
Norðurinngangur við sjúkrahúsið opinn á ný
Hvíslið
Viðhorf til bæjarstjóra í brennidepli í nýrri könnun
Fréttir
Vinnustofur í stað líkamsræktar?
Myndband
Glacier Guys með nýtt föstudagslag
Sjávarútvegur
„Úttroðinn af loðnu”
Myndband
Fréttapýramídar afhentir fyrir nýliðið ár
Fréttir
Karlar hvattir til að sýna handverk
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.