Styrkleikar Krabbavarnar og Krabbameinsfélagsins í Herjólfsdal

Eyjafréttir
·
Áhugavert
·
7. ágúst 2025

Krabbavörn og Krabbameinsfélagið standa fyrir Styrkleikum í Herjólfsdal dagana 9. til 10. Ágúst, laugadag og sunnudag. Á Styrkleikunum gefst aðstandendum dýrmætt tækifæri til að sýna stuðning í verki. Þátttakendur koma saman fyrir þá sem hafa greinst með krabbamein. Þátttakendur skiptast á að ganga í heilan sólarhring, en hver og einn þátttakandi gerir eins mikið og hann treystir sér til.

Dagskrá

Setning Styrkleikanna fer fram kl. 12.00 í Herjólfsdal og í kjölfarið af því göngum við saman fyrsta hringinn. Heiðursgestir Styrkleika eru einstaklingar sem greinst hafa með krabbamein einhvern tímann á lífsleiðinni. Okkur finnst við hæfi að kalla þau Reynslubolta þar sem þau eru svo sannarlega reynslunni ríkari. Þeim er öllum boðið til hádegisverðar, en skráning er á https://forms.office.com/e/iGvTGX4WbW

Þátttakendur ganga fyrir fram ákveðna hringi um Herjólfsdal, og er það undir hverjum og einum komið hvenær sólarhringsins viðkomandi vill ganga og hversu lengi. Við hvetjum alla til að koma og taka þátt á sínum forsendum.

Styrkleikarnir eru fjölskylduviðburður og verður fjölskyldudagskrá kl. 15.00.

Um kvöldið er haldin Ljósastund þar sem við leyfum okkur að gleðjast og þakka fyrir þá sem eru með okkur og minnast þeirra sem við höfum misst. Yfir daginn geta gestir Styrkleikanna keypt kertapoka og skreytt með skilaboðum og hvatningu til þeirra sem hafa greinst með krabbamein sem við setjum kerti í um kvöldið.

Styrkleikarnir standa til hádegis á sunnudaginn.

Áheitasöfnun

Meðfram Styrkleikunum fer fram áheitasöfnun, einstaklingar og hópar geta skráð sig fyrir áheitasöfnun. Fjölskyldur, vinahópar, fyrirtæki, félagasamtök og aðrir geta skráð sig saman sem lið og unnið sameiginlega að því að safna áheitum til að halda boðhlaupskeflinu gangandi í heilan sólahring. Þessi einstaka áskorun sameinar hreyfingu, samveru og stuðning við mikilvægt málefni. Áheitasöfnunin fer fram á https://safna.krabb.is/.

Styrkleikarnir eru einstök upplifun sem við hvetjum alla til að taka þátt í.

Allar upplýsingar er að finna inni á Facebook-viðburði Styrkleikanna – https://fb.me/e/37590CzQp og á www.styrkleikarnir.is

Nýjustu fréttir

Íþróttir

ÍBV með bakið upp við vegg eftir tap gegn Val

Sjávarútvegur

Eyjarnar landa í Grindavík

Aðsend grein

Sterk uppbygging og skýr framtíðarsýn

Aðsend grein

Skortur á félagslegum tengslum er dauðans alvara

Fréttatilkynning

Síðasta Aglow samvera vetrarins

Samgöngur

Landeyjahöfn orðin fær á háflóði

Áhugavert

Heimsklassa matreiðslumeistarar frá Íslandi á MATEY

Íþróttir

Úrslitaeinvígið: Mæta Val á heimavelli

Mest lesið

viðburðir

22. maí 2026

18:00

MATEY Seafood Festival

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki