Sæl Ólína.
Ég hef borið „svar“ þitt undir nokkra kvótaandstæðinga og nokkra sem eru meðmæltir núver­andi kvóta­kerfi, og eru allir sammála um að „þau“ séu útúrsnúningur og dónaskapur. Mér þykir mjög leitt að þú skulir kjósa að fara í skotgrafirnar, sérstaklega þegar fram kemur sjómaður, sem er fyrir hönd fjölmargra í stéttinni, að reyna fá svör við áleitnum spurningum. Við erum margir mjög efins um áætlanir ykkar stjórnvalda um breytingar á kerfinu. Þær muni ekki skila öðru en kjaraskerðingu, byggða­röskun og annarri óáran.