Dagur íslenskrar tónlistar var haldinn hátíðlegur í dag 1. desember, en með deginum sameinast aðildarfélög íslensks tónlistarfólks ásamt landsmönnum öllum við að efla veg íslenskrar tónlistar.

Þjóðhátíð Vestmannaeyja fékk í dag viðurkenningu að því tilefni fyrir að halda úti metnaðarfullri dagskrá árlega og stofna til nýsköpunar í íslenskri tónlist í formi þjóðhátíðarlags hvers árs. Það má með sanni segja að hátíðin sé vel að þessu komin enda framlag hennar til íslenskrar tónlistar ómetanlegt.

Jónas Guðbjörn Jónsson, formaður þjóðhátíðarnefndar og Ellert Scheving Pálsson, framkvæmdastjóri ÍBV tóku á móti viðurkenningunni við hátíðlega athöfn Hörpu.