Í síðasta mánuði var embætti lög­reglu­stjór­ans í Vest­manna­eyj­um auglýst laust til um­sókn­ar eftir að Karl Gauti Hjaltason tók sæti á Alþingi.

Samkvæmt upplýsingum frá dómsmálaráðuneytinu sóttu þrír um embættið. „Umsækjendur um setningu í embætti lögreglustjórans í Vestmannaeyjum voru eftirfarandi: Arndís Bára Ingimarsdóttir, settur lögreglustjóri í Vestmannaeyjum, Sverrir Sigurjónsson, landsréttarlögmaður, Vilborg Þ.K. Bergman, lögfræðingur.”

Í svari ráðuneytisins til Eyjafrétta er þess getið að dómsmálaráðuneytið stefni að setningu í embætti lögreglustjórans í Vestmannaeyjum fyrir næstu mánaðarmót.