Hvað er betra en Þjóðhátíð í góðu veðri? Að því spyr Halldór B. Halldórsson kvikmyndagerðarmaður í nýjasta myndbandi sínu, sem hann tók í blíðunni í morgun. Í myndbandinu flýgur Halldór dróna sínum yfir Herjólfsdal, sem nú er kominn í sannkallaðan hátíðarbúning.

Fjöldi fólks hefur lagt hönd á plóg undanfarna daga við að koma Dalnum í sitt allra besta form. Hvítu tjöldin eru risin, hátíðarsvæðið óðum að fyllast af lífi og tilhlökkunin leynir sér ekki.

Þjóðhátíð verður sett á morgun, föstudag, og fram undan er stærsta hátíð ársins í Vestmannaeyjum. Veðrið lék við Eyjamenn í morgun og Herjólfsdalur skartaði sínu fegursta þegar Halldór fangaði stemninguna úr lofti.

Myndbandið má sjá hér að neðan.