Umgengni á tjaldsvæði - Aðstæður og umfang komu á óvart

Eyjafréttir
·
Fréttir
·
15. ágúst 2023

„Við vorum með sama viðbúnað fyrir þjóðhátíðina í ár og á síðasta ári. Bjuggum að því að meðal starfsmanna var fólk sem var með okkur í fyrra,“ sagði Sreten Ævar rekstrarstjóri Landamerkis sem hefur umsjón með tjaldsvæðinu við Þórsheimilið sem er þjónustuhús fyrir tjaldsvæðið.

Tilefnið er óánægja gesta með umgengni á tjaldsvæði og óþrifnað í Þórsheimilinu sem sagt var frá í Eyjafréttum.is í síðustu viku. Sreten Ævar viðurkennir að ýmislegt hefði mátt betur fara og ástæðurnar séu fleiri en ein. Hefðbundið tjaldsvæði er sunnan við Þórsheimilið en á þjóðátíð er Þórsvöllurinn lagður undir svokallað VIP-tjaldsvæði sem ætlað er þjóðhátíðargestum. „Þarna varð ruglingur. Við vildum hafa armbönd fyrir gesti á tjaldsvæðinu í öðrum lit en armbönd gesta á VIP-svæðinu. Við ræddum þetta við mótshaldara en liturinn varð sá sami.“

Sreten Ævar segir að það hafi valdið ruglingi og álagið á Þórsheimilinu hafi orðið miklu meira en reiknað var með. „Þetta olli erfiðleikum hjá okkur því fólkið á VIP-svæðinu hafði ekki rétt á að nýta sér þjónustuna í Þórsheimilinu.“

Þá segir Sreten Ævar að rúta hafi verið á svæðinu sem greinilega hafi var söluvagn fyrir eiturlyf. „Ég var spurður út í þetta en taldi okkur ekki hafa lögsögu til afskipta. Þetta varð til þess að fólk undir áhrifum olli okkur vandræðum og varð til þess að fjöldinn sem fór um húsið var miklu meiri en við reiknuðum með.“

Varðandi meintan óþrifnað í Þórsheilinu sendi Sreten Ævar ljósmyndir sem teknar voru á þjóðhátíðinni. Sýna þær að þrif í Þórsheimilinu hafi verið í lagi. „Okkur er kennt um umgengnina og við verðum að taka á því. Sjá til þess að þetta gerist ekki aftur. Næsta ár verðum við með tvisvar sinnum fleira starfsfólk.

Förum yfir það með mótshöldurum hvað við getum gert betur og finna lausn á lit armbandanna. Síðast en ekki síst, að ræða við lögreglu hvernig eigi að bregðast við grun um eiturlyfjasölu. Við viljum gera okkar besta og þannig að sómi sé að. Hvað varðar rafmagnið, fórum við fram á endurbætur en því var ekki sinnt,“ sagði Sreten Ævar og bætti við.

„Við tökum fulla ábyrgð á að hreinsun var ófullnægjandi eftir hátíðina. Viljum við biðja Vestmannaeyinga afsökunar á því og erum þakklát þeim sem tóku sig til og hreinsuðu Þórsvöllinn. Hvað mig sjálfan varðar, þykir mér þetta mjög miður og biðst afsökunar á því.“

Mynd frá Landamerki tekin í Þórsheimilinu um þjóðhátíðina.

Nýjustu fréttir

Íþróttir

Eyjamenn sóttu þrjú mikilvæg stig norður

Áhugavert

„Við erum ótrúlega stolt af ykkur“

Myndband

Mikill ferðamannastraumur um helgina – myndband

Úr blaði Eyjafrétta

Heimir og Særún heilluðust af Vestmannaeyjum

Íþróttir

Glæsilegu TM móti lokið – Þróttur R. varð TM móts meistari

Íþróttir

ÍBV getur farið upp fyrir Þór

Áhugavert

Sýndu fjölbreytni, metnað og sköpunargleði

Íþróttir

ÍBV stelpurnar gerðu jafntefli við Þrótt R.

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki