Það má með sanni segja að heppnin hafi verið með ungum fjölskylduföður sem hreppti 3-faldan al-íslenskan 3. vinning í Vikinglotto í gærkvöldi – vinning upp á rúmar 4,8 milljónir króna.

Dagurinn hófst ekki vel: bíll fjölskyldunnar var á verkstæði og símtal frá þeim staðfesti versta ótta – bíllinn þurfti nýja vél. „Ég sagði í hálfkæringi að nú þyrfti ég bara að vinna í lottó,“ sagði miðahafinn og ákvað að kaupa sér miða í Vikinglotto.

Og það reyndist heldur betur rétt ákvörðun – miðinn var vinningsmiði!

Fjölskyldan ætlar að nota vinninginn til að redda bílnum, lækka skuldir og gleðja börnin með einhverju fallegu – hugsanlega nýjum hjólum, segir í tilkynningu frá Íslenskri Getspá.