Veðurstofa Íslands hefur gefið út viðvaranir fyrir landið allt. Gildir gula viðvörunin fyrir landið allt frá 3. júní kl. 00:00 – 4. júní kl. 00:00.

Í viðvörunarorðum segir: Norðan hvassviðri eða stormur, hvassast á vestanverðu landinu og sunnan undir Vatnajökli. Huga þarf að lausamunum og aðstæður geta verið varasamar fyrir ökutæki sem taka á sig mikinn vind. Einnig verður talsverð úrkoma norðaustan- og austantil, líklega snjókoma til fjalla sem valdið getur afmörkuðum samgöngutruflunum.

Í nýrri spá fyrir Suðurland segir: Vestan og suðvestan 3-10 og rigning með köflum. Hiti 6 til 10 stig. Gengur í norðan 10-18 á morgun, úrkomulítið og kólnar heldur.

Veðurhorfur á landinu næstu daga

Á þriðjudag:
Norðan 13-23 m/s, hvassast í vindstrengjum á suðurhelmingi landsins. Snjókoma eða slydda norðan- og austantil um morguninn, en síðan talsverð rigning á láglendi og slydda eða snjókoma til fjalla. Úrkomuminna sunnan heiða. Hiti 1 til 10 stig, kaldast í innsveitum norðanlands.

Á miðvikudag:
Norðan 8-15 m/s, hvassast við austur- og vesturströndina. Rigning, en þurrt að kalla á sunnanverðu landinu. Hiti 2 til 12 stig, hlýjast á Suðausturlandi.

Á fimmtudag:
Norðan 5-13 m/s og rigning eða slydda á Norður- og Austurlandi, en bjartviðri sunnan heiða. Hiti breytist lítið.

Á föstudag:
Minnkandi norðanátt og dálítil rigning norðantil, en skúrir á sunnanverðu landinu. Áfram kalt í veðri.

Á laugardag:
Norðlæg eða breytileg átt og víða dálítil rigning eða skúrir.
Spá gerð: 01.06.2025 08:47. Gildir til: 08.06.2025 12:00.

Hugleiðingar veðurfræðings

Í dag færist regnsvæði yfir landið úr vestri og búast má við rigningu af og til í flestum landshlutum. Hvergi er þó búist við mikilli úrkomu. Vindur verður áfram fremur hægur og áttin vestlæg eða breytileg. Hiti 6 til 13 stig.

Á morgun (mánudag) gengur í norðan stinningskalda. Búast má við rigningu eða slyddu með köflum á norðanverðu landinu og snjókoma á heiðum og til fjalla. Úrkoman mestmegnis á formi rigningar austanlands fram á kvöld, en síðan gæti hún orðið slyddukennd þar. Suðvestantil verður væntanlega engin úrkoma. Það kólnar í veðri og annað kvöld er hita spáð frá frostmarki í innsveitum fyrir norðan, upp í 7 stig við suðurströndina.

Á þriðjudag hvessir síðan en frekar, þá er útlit fyrir allhvassa eða hvassa norðanátt og jafnvel stormur á stöku stað í vindstrengjum á suðurhelmingi landsins. Búast má við talsverðri rigningu á láglendi norðan- og austanlands og slyddu eða snjókomu til fjalla. Úrkomuminna sunnan heiða. Hiti 2 til 10 stig, kaldast í innsveitum norðanlands.

Það stefnir semsagt í júníhret fyrripart næstu viku og í gær var byrjað að senda út viðvaranir vegna þess. Líklegt er að í dag muni fjölga viðvörunum og þeim verði svæðaskipt, en slíkt er gert þegar styttra er í atburðinn og spár verða vissari.
Spá gerð: 01.06.2025 06:43. Gildir til: 02.06.2025 00:00.

Nánar um veðrið.