Vel heppnað söngkvöld og aðalfundur
Frá Á.t.V.R. – Átthagafélagi Vestmannaeyinga á Reykjavíkursvæðinu (og reyndar landinu öllu)
Nýja stjórnin. Dögg Lára Sigurgeirsdóttir, Hjördís Jóhannesdóttir, Petra Fanney Bragadóttir, Rúnar Ingi Guðjónsson og Svala Helga Sigurðardóttir. Ljósmyndir/Ófeigur Lýðsson

Aðsend grein

Rúnar Ingi Guðjónsson 

Aðalfundur Á.t.V.R. var haldinn í gærkvöldi, 28. maí, í sal Kiwanis-félagsins Eldeyjar í Kópavogi og hófst með stuttum en skemmtilegum fundarstörfum, þar sem hefðbundin aðalfundarmál voru tekin fyrir.

Á fundinum var ný stjórn félagsins kjörin. Í stjórn Á.t.V.R. sitja nú: Rúnar Ingi Guðjónsson, Petra Fanney Bragadóttir, Hjördís Jóhannesdóttir, Dögg Lára Sigurgeirsdóttir og Svala Helga Sigurðardóttir.

Svala Helga kemur inn í stjórn í stað Ófeigs Lýðssonar, sem gaf ekki kost á sér til áframhaldandi stjórnarsetu. Félagið þakkar Ófeigi fyrir framlag hans til starfa félagsins.

Að loknum aðalfundi tók við einstaklega vel heppnað söngkvöld sem Jarl Sigurgeirsson stýrði af sinni alkunnu snilld. Sungið og spilað var fram eftir kvöldi í sannkölluðum Eyjastíl, við afar góðar undirtektir gesta. Eyjalögin reyndust þar sem áður ómetanlegur menningararfur sem sameinar Eyjamenn í söng og gleði, hvar sem þeir eru staddir í heiminum.

Ragnar Sigurjónsson kynnti jafnframt áhugavert verkefni sitt og sýndi myndir af Vestmannaeyingum prentaðar út í raunstærð. Um er að ræða bráðskemmtilega og lifandi nálgun á mannlífið í Eyjum. Ragnar vinnur nú að undirbúningi sýningar og leitar að hentugu sýningarrými í Vestmannaeyjum fyrir þetta spennandi verkefni.

Starfsemi félagsins á nýhöfnu starfsári verður með hefðbundnum hætti. Meðal fyrirhugaðra viðburða eru:

  • Aðventukvöld, þar sem listamenn frá Vestmannaeyjum koma fram
  • Goskaffið í kringum 23. janúar, með áhugaverðum erindum og spjalli um lífið í Eyjum, með sérstakri áherslu á gostímabilið

 

Ný stjórn mun kynna vetrarstarfið nánar í lok sumars.

Á.t.V.R. hlakkar til að halda áfram að efla tengsl Vestmannaeyinga og vina þeirra um land allt með fjölbreyttu og skemmtilegu starfi á komandi misserum.

 

Fyrir hönd stjórna Á.t.V.R.

Rúnar Ingi Guðjónsson

Nýjustu fréttir

Áhugavert
Áfram Noregur í kvöld – Heimisáhrifin virka
Úr blaði Eyjafrétta
Draumurinn orðinn að veruleika
Áhugavert
Einstakt safn Magnúsar vakti forvitni á Goslokahátíð
Myndband
Þrjár vikur í Þjóðhátíð – uppbyggingin hafin í Herjólfsdal
Áhugavert
Sumarlesturinn hefur aldrei farið betur af stað
Skipulagsmál
Áform um þrjú ný einbýlishús við Reglubraut
Aðsend grein
Evrópusambandið, meira en tollabandalag
Áhugavert
50 ár frá opnun sundlaugar Vestmannaeyja
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.