Vel sótt minningarstund um fórnarlömb umferðarslysa
Frá minningarstundinni. Eyjafréttir/Eyjar.net: ÓPF

Gærdagurinn var tileinkaður minningu þeirra sem látið hafa lífið í umferðinni. Fulltrúar Slysavarnafélagsins Landsbjargar og fleiri viðbragðsaðilar stóðu fyrir táknrænum athöfnum víða um land. Markmið minningarstundarinnar var að hvetja fólk til að staldra við og íhuga ábyrgð hvers og eins í umferðinni, en ekki síður að sýna þakklæti gagnvart þeim viðbragðsaðilum sem veita hjálp og björgun þegar slys verða. Að þessu sinni var lögð sérstök áhersla á mikilvægi öryggisbelta, sem reynast oft úrslitaatriði þegar á reynir.

Alþjóðlegur minningardagur Sameinuðu þjóðanna

Sameinuðu þjóðirnar hafa frá árinu 2005 tileinkað þriðja sunnudegi í nóvember alþjóðlegum minningardegi um fórnarlömb umferðarslysa. Auk þess að heiðra minningu þeirra sem farist hafa, hefur skapast sú venja hér á landi að beina sjónum að sérstöku forvarnarviðfangsefni sem tengist banaslysum. Í ár er sjónum beint að notkun öryggisbelta.

Öryggisbelti eru einn mikilvægasti öryggisbúnaður bifreiða og geta minnkað líkur á dauðsfalli í fólksbílum um allt að 45%. Fjölda banaslysa og alvarlegra slysa hefði mátt fyrirbyggja ef öryggisbelti hefðu verið notuð.

Hvers vegna minningardagur?

Á heimsvísu láta um 3.600 manns lífið í umferðinni á degi hverjum og hundruð þúsunda slasast. Það jafngildir um 1,3 milljónum dauðsfalla ár hvert. Tölurnar undirstrika mikilvægi þess að minna á varúð, ábyrgð og forvarnir í umferðinni.

Á Íslandi hafa 1.632 einstaklingar farist í umferðinni frá því fyrsta banaslysið var skráð 25. ágúst 1915 (staða 13. nóvember 2025). Enn fleiri hafa slasast alvarlega og lifa með afleiðingunum — áföllum, sorg og eftirsjá sem snerta fjölskyldur, vini og samfélagið allt.

Minningarstund við kirkjugarðshliðið

Vel var mætt á minningarstundina við kirkjugarðshliðið í Vestmannaeyjum í gærkvöldi. Þar komu Eyjamenn saman til að votta virðingu og samstöðu með þeim sem misst hafa ástvini í umferðinni. Kveikt var á kertum og skapaðist hlý og virðuleg stund í kyrrð kvöldsins, þar sem minning og umhugsun fengu að ráða för. Óskar Pétur Friðriksson, ljósmyndari Eyjafrétta mætti og tók meðfylgjandi myndefni.

Þessu tengt: Fórnalamba umferðaslysa minnst í dag

Nýjustu fréttir

Aðsend grein
Eyjan okkar
Aðsent
Brjóstaskimun í Eyjum
Áhugavert
Tvö fyrirtæki frá FÍV komin í úrslit fyrirtækjasmiðju
Aðsend grein
Ómálefnaleg veiðiráðgjöf á hvölum
Úr blaði Eyjafrétta
Við þurfum að hætta þessum bútasaumi
Íþróttir
Úr fótbolta yfir í hlaup
Úr blaði Eyjafrétta
Aníta Sif er Eyjamaður mánaðarins
Stjórnmál
Samfélag fyrir fjölskyldur
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.