Vestmannaeyjabær liggur vel við góðum fiskimiðum og er einn mesti útgerðarstaður landsins. Ferjan Herjólfur fer daglegar ferðir til og frá Landeyjarhöfn og Vestmannaeyjahöfn. Áætlunarskip á leið til og frá Evrópu hafa viðkomu í Vestmannaeyjum og þar á fjöldi fiskiskipa heimahöfn.

Þetta segir á heimasíðu hafnarinnar sem er ein stærsta útflutningshöfn landsins. Oft mikil umferð eins og þessi mynd sem Óskar Pétur tók í blíðunni í dag ber með sér. Þar er Lóðsinn að aðstoða Helgafell, skip Samskipa og við bryggju er Huginn VE að landa síld hjá Vinnslustöðinni sem fékkst fyrir austan land. Verðmæti inn og verðmæti út gæti myndin heitið. Verðmæti upp á tugi milljarða á hverju ári.