Vilmar Þór Bjarnason hefur verið ráðinn framkvæmdastjóri handknattleiksdeildar ÍBV. Hann tekur við af Þorláki Sigurbirni Sigurjónssyni, sem hefur sinnt starfinu um nokkurt skeið.

Vilmar Þór er öllum hnútum kunnugur hjá ÍBV en hann starfaði sem framkvæmdastjóri deildarinnar á árunum 2019-2023.

Í tilkynningu ÍBV segir: ,,Á sama tíma og handknattleiksráð vill þakka Þorláki fyrir sín störf sem framkvæmdastjóri þá viljum við bjóða Vilmar hjartanlega velkominn aftur”.

Handknattleiksráð ÍBV er gríðarlega ánægt með að Vilmar sé kominn aftur og hlakkar til samstarfsins.