Það var í ýmsu að snúast hjá lögreglunni í vikunni sem leið og þá sérstaklega um helgina enda nokkur fjöldi fólks að skemmta sér.  Lögreglan aðstoðaði m.a. fólk til síns heima sem átti erfitt með gang sökum ölvunarástands.

Ein líkamsárás var tilkynnt til lögreglunnar en hún átti sér stað á veitingastaðnum Prófastinum. Þarna höfðu orðið átök á milli tveggja manna sem endaði með því að annar lá sár eftir.  Ekki liggur fyrir kæra í málinu.

Ein eignaspjöll voru tilkynnt til lögreglunnar og áttu þau sér einnig stað á veitingastaðnum Prófastinum. Þarna reyndusttvær stúlkur hafa verið á ferð, sem ætluðu að komast inn á veitingastaðinn af þaki hans en við það hafi rúða brotnað.  Ekki liggur fyrir kæra í málinu.

Tvö umferðaróhöpp voru tilkynnt lögreglu í vikunni sem leið og var í báðum tilvikum um minniháttar tjón að ræða og engin slys á fólki.