Day: 8. ágúst, 2007

Sléttusöngur og varðeldur á Selfossi

Hinn rómaði sléttusöngur verður sunginn á sléttunni við Gesthús á Selfossi laugardaginn 11. ágúst. Áætlað er að hann hefjist kl. 21:00. Kveiktur verður varðeldur og flugeldasýning haldin þegar skyggja tekur og verður hún í höndum Björgunarfélags Árborgar. Fólk er hvatt til að fjölmenna með hljóðfæri sín og söngbækur og taka vel undir. (meira…)

Næturlífið á Suðurlandi

Þorlákshöfn er pleisið til að vera í þessa helgina með tónlistaruppákomum frá fimmtudegi til sunnudags. (meira…)

25 ára afmælisferð

Þann 15, október nk. eru 25 ár liðin frá stofnun Arsenalklúbbsins á Íslandi en hann var stofnaður á Selfossi af tveimur ungum mönnum. Af þessu tilefni ætla Arsenalaðdáendur af Suðurlandi að fjölmenna í afmælisferð sem farin verður föstudaginn 19. október. (meira…)

Hundafangari óskast

Bláskógabyggð auglýsir eftir hundafangara og samstarfsaðila til reksturs hundabyrgis, fyrir þá hunda sem eru handsamaðir í sveitarfélaginu. Margeir Ingólfsson oddviti segir að verið sé að skerpa línurnar í hundaeftirliti í þéttbýli. (meira…)

Nýtt hverfi við Selfoss

Nýtt íbúahverfi mun rísa í landi Dísarstaða, sunnan Langholts á Selfossi, á næstu árum. Gert er ráð fyrir 374 íbúðum og mun gatnagerð fara af stað á næstu dögum, segir Hannes Þór Ottesen, framkvæmdastjóri Engjalands ehf. sem annast framkvæmdina. (meira…)

Meistaradeildin um helgina

Meistaradeild Olís og Umf. Selfoss í 5. flokki karla verður haldin um helgina á Selfossvelli. Þetta er þriðja árið í röð sem mótið er haldið. Mótsblaðið fylgir með Sunnlenska í þessari viku. (meira…)

Myndbönd frá Þjóðhátíð 2007

Eru byrjuð að streyma úr öllum áttum inn á http://www.youtube.com/. Fremstir þar í flokki eru hinir uppatækjasömu Vinir Ketils Bónda og hafa þeir sett inn þó nokkur myndbönd sem hægt er að skoða hér. http://www.youtube.com/profile?user=vinirketils Ef áhugi er fyrir að skoða myndbönd frá öðrum þarf einungis að skrifa inn “Þjóðhátíð” í leitarvélinni á http://www.youtube.com/ (meira…)

Hátíðir um víðan völl

Glatt verður á hjalla víða um Suðurland um helgina en hátíðir eru haldnar bæði í Grímsnes- og Grafningshreppi og í Ölfusinu. (meira…)

Árlegri rannsókn Hafrannsóknastofnunarinnar á sandsíli lokið

Þann 21. júlí síðastliðinn lauk tveggja vikna leiðangri á Gæfu VE 11. Farið var á 4 svæði, Breiðafjörð, Faxaflóa, Vestmannaeyjar – Vík og Ingólfshöfða. Togað var með flottrolli frá yfirborði og niður á botn. Einnig var notaður plógur til að ná í síli úr botni þegar síli var ekki aðgengilegt í troll. Þetta er annað […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.