- Eyjafréttir
- ·
- Almennt
- ·
Ný Bergey VE lagði af stað frá Póllandi í morgun
Nýtt skip Bergs-Hugins, Bergey VE 544 lagði af stað frá Póllandi til Íslands klukkan 11.44 í morgun að staðartíma. Er skipið væntanlegt til heimahafnar í Vestmannaeyjum á þriðjudaginn gangi allt að óskum.
„Þetta er glæsilegt skip og það var stór stund þegar Bergey lagði af stað heim á leið,“ sagði Magnús Kristinsson útgerðarmaður sem var viðstaddur. Fyrr á þessu ári fékk útgerðin Vestmannaey VE 444 og eftir áramót kemur nýr Dala-Rafn VE. Allt eru þetta eins skip, 29 metra löng og smíðuð á sama stað hjá Norship í Póllandi.
Skipstjóri á Bergey er Sigurður G. Sigurjónsson og yfirvélstjóri Svanur Gunnsteinsson.
