Day: 22. desember, 2009

Eyjamenn vilja ekki Fréttablaðið

Ekki hefur verið hægt að nálgast Fréttablaðið undanfarið í Eyjum. Útgefendur blaðsins ákváðu á dögunum að selja blaðið gegn vægu gjaldi í Vestmannaeyjum, sem og öðrum stöðum á landinu nema á höfuðborgarsvæðinu, helstu nágrannabæjarfélögum og Akureyri. Þannig er blaðinu dreift frítt á Selfossi, Eyrarbakka, Stokkseyri og Þorlákshöfn en um leið og blaðið fer inn í […]

Niðurskurður í ríkisstofnunum

Fjárlög voru samþykkt á alþingi í dag. Í breytingartillögum meirihluta fjárlaganefndar kemur skýrt fram að margar af þeim niðurskurðaraðgerðum, sem fyrir­hugaðar voru, hafa verið felldar burt. Þannig hækkar framlag til barna­bóta og vaxtabóta, en lækkar ekki eins og fyrri tillögur fjárlaga­nefndar gerðu ráð fyrir. Jöfnunar­sjóður sveitarfél­aga hækkar til að koma til móts við hækkun trygg­ingargjalds […]

Búið að útbúa myndband um �?rettándann

Eins og allir í Vestmannaeyjum vita er hvergi í heiminum haldin glæsilegri Þrettándahátíð en í Eyjum. ÍBV-íþróttafélag hefur undanfarin ár séð um hátíðina og tóku við af Knattspyrnufélagin Tý, sem byrjaði snemma á síðustu öld að halda Þrettándagleði. Nú ætlar ÍBV, í samstarfi við Vestmannaeyjabæ að gera hátíðina enn veglegri. Einn þáttur i því er […]

Ein líkamsárás kærð eftir helgina

Ein líkamsárás var kærð til lögreglu í vikunni en aðfaranótt 16. desember var lögerglu tilkynnt um líkamsárás á veitingastaðnum Lundanum. Þarna höfðu tveir menn ráðist á þann þriðja sem kom alblóðugur út frá þessum átökum. Árásarmennirnir voru handteknir og fengu að gista fangageymslu þar til víman var runnin af þeim. Ekki reyndust áverkar fórnarlambsins alvarlegir […]

Prófið yfirfarið, útkoman ekki góð

Ragnar Óskarsson svarar grein minni þar sem ég lagði útaf fyrirsögn hans í grein er hann skrifaði á Eyjafréttum. Hann gerir tilraun til að svara spurningum mínum, en sum svörin bera þess merki að þar fer gamalreyndur pólitíkus. Hér fara á eftir spurningar mínar og svör Ragnars og svo einkunnargjöf mín á þessu prófi sem […]

Sæbjörg fyrst til að klára 100 kílómetra

Sæbjörg Logadóttir kláraði í gærkvöldi að hlaupa 100 kílómetra en vegalengdina hljóp hún á tíu klukkustundum. Sæbjörg er fyrsta konan til að hlaupa 100 kílómetra á einum degi en hún hljóp um tíu kílómetra á 50 mínútum og hvíldi í 10. Fjölmargir hlupu með henni um tíma en Sæbjörg hljóp á hlaupabretti í líkamsræktarstöðinni Hressó. […]

Lóðningar gisnar og loðnuvertíðin í uppnámi

„Þetta er sama óvissa og áður,“ segir Gunnþór Ingvason, framkvæmdastjóri Síldarvinnslunnar í Neskaupstað. Ekki er hægt að gera tillögu um upphafskvóta loðnu, segir Hafrannsóknastofnun. Bergmálsmælingum er nýlokið og fannst ungloðna vestan Kolbeinseyjarhryggjar að Grænlandsgrunni. Lóðningarnar voru þó gisnar. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.