Fjárlög voru samþykkt á alþingi í dag. Í breytingartillögum meirihluta fjárlaganefndar kemur skýrt fram að margar af þeim niðurskurðaraðgerðum, sem fyrir­hugaðar voru, hafa verið felldar burt. Þannig hækkar framlag til barna­bóta og vaxtabóta, en lækkar ekki eins og fyrri tillögur fjárlaga­nefndar gerðu ráð fyrir. Jöfnunar­sjóður sveitarfél­aga hækkar til að koma til móts við hækkun trygg­ingargjalds sem leiðir til hærri launa­kostnaðar sveitarfél­aga. Ýmis úrræði vegna atvinnu­leysis, ekki síst ungs fólks, eru stóraukin. Tekju­skattur hækkar engu að síður, virðis­aukaskattur verður sá hæsti í heimi og framlag vegna tryggingabóta er mjög skert. Það verður því alls staðar þrengra en áður og á óneitanlega eftir að koma niður á fólki.