Völundarhús og sögustund í myrkri á Bókasafninu
Ungir gestir hlýddu á skuggalegar sögur á Bókasafni Vestmannaeyja í dag. Ljósmyndir: Óskar Pétur Friðriksson.

Hrekkjavökustemning var á Bókasafni Vestmannaeyja í dag þegar gestum var boðið að spreyta sig í hræðilegu völundarhúsi og hlýða á skuggalegar sögur í myrkri.

Safnið hafði verið klætt í hrekkjavökubúning og ýmislegt var í boði fyrir gesti. Þeir hugrökkustu gátu lagt leið sína í gegnum hrekkjavökuvölundarhús í anddyrinu og klukkan 13 hófst sögustund í myrkri. Þá voru hrekkjavökumyndir og bókamerki í boði til að lita.

Óskar Pétur Friðriksson, ljósmyndari Eyjafrétta, leit við á safninu í dag og myndaði hrekkjavökufjörið. Myndir hans má sjá hér með fréttinni.

Grikk eða gott í kvöld

Hrekkjavökudagskránni er þó ekki lokið því Bókasafnið tekur á móti gestum í grikk eða gott milli klukkan 18 og 20 í kvöld.

„Við bjóðum öll velkomin … ef þið þorið,“ segir í kveðju frá safninu, þar sem öllum er jafnframt óskað gleðilegrar hrekkjavöku.

Nýjustu fréttir

ÍBV vann mikilvægan sigur á KA/Þór á Akureyri
Verslum í heimabyggð
Í þjónustu við útgerðir og Eyjamenn í 45 ár
Herjólfur til Þorlákshafnar
ÍBV mætir KA/Þór á Akureyri
Úrslitakvöld Vöruhúsdeildarinnar í Höllinni á morgun
Feðgarnir mættust í þýsku B-deildinni – Erlingur fagnaði sigri
Gul viðvörun á Suðurlandi á laugardagskvöld
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.