ÍBV sótti Valskonur heim á Hlíðarenda í 14. umferð Pepsi-deildar kvenna í knattspyrnu í gær.
Valskomur byrjuðu leikinn af miklum krafti og áttu hvert dauðafærið á fætur öðru en Bryndís Lára Hrafnkelsdóttir, markmaður ÍBV, átti stórleik og varði oft á tíðum meistaralega í markinu.
Cloe Lacasse kom ÍBV yfir í upphafi síðari hálfleiks eftir aukaspyrnu Sóleyjar Guðmundsdóttur. Valskonur reyndu hvað þær gátu til þess að jafna metin en inn vildi boltinn ekki og lokatölur því 0:1 fyrir ÍBV.
Eftir leikinn eru Valskonur í þriðja sæti deildarinnar með 26 stig en ÍBV er komið upp í fimmta sæti með 18 stig.