Á síðustu dögum hefur kvennalið ÍBV skrifað undir samninga við nokkra leikmenn í undirbúningi sínum fyrir komandi átök í Lengjubikar, Mjólkurbikar og Pepsí Max deildinni en ÍBV ætlar sér stóra hluti undir stjórn Andra Ólafssonar og Birkis Hlynssonar.
Birgitta Sól Vilbergsdóttir skrifaði undir nýja samning við félagið en Birgitta Sól sem er fædd 2002 er uppalin í Ólafsvík en kom ung til eyja þar sem hún stundar nám og sækir akademíu FÍV og ÍBV. Birgitta er að hefja sitt þriðja leiktímabil með ÍBV.
Danielle Tolmais kemur til ÍBV frá Frakklandi en Danielle leikur sem sóknarmaður sem einngi getur leyst allar miðjustöðurnar.
Hanna Kallmaier kemur til ÍBV frá Þýskalandi en Hanna leikur sem varnarsinnaður miðjumaður sem einnig getur leyst allar varnarstöðurnar.
Olga Sevcova, Eliza Spruntule og Karlina Miksone koma allar til liðs við ÍBV frá Lettlandi. Olga leikur sem sóknarmaður, Eliza sem varnarmaður og Karlina sem miðjumaður. Allar eru þær landsliðskonur og þykja skara fram úr þar.
