Í nýjasta blaði Eyjafrétta sögðum við frá byssukúlu/sprengju sem fannst í Sagnheimum og enginn veit hvernig komst þangað. Nú hefur komið í ljós að sú kúla er önnur þeirra fallbyssukúla sem fundust í Þrídröngum árið 1938. Hin hefur verið í vörslu hjónanna Þorsteinn Sigurðsson og Lilja Kristinsdóttir í Eyjum á Blátindi. Þangað til nú.
Sigurður Ásgrímsson, yfirmaður séraðgerðasviðs Landhelgisgæslunnar segir í samtali við Morgunblaðið, þetta vera stórmerkilega sögu. Enginn veit hvernig eða hvenær kúlan endaði í Sagnheimum. En önnu eins kúla hefur fjölskylda Þorsteinn Sigurðsson varðveitt og haft til skrauts á heimili sínu. Þorsteinn var einn þriggja ofurhuga sem klifu Þrídranga árið 1938 til að útbúa uppgönguleið við byggingu vitans í Þrídröngum. Tók hann aðra kúluna með sér til varðveislu.
Sprengisveit Landhelgisgæslunnar tók fallbyssukúluna úr Sagnheimum til varðveislu. Í gær tók lögreglan svo kúlu Þorsteins í sína vörslu. Sigurður segir að þótt margt bendi til þess að kúlurnar séu tómar sé það ekki víst og betra að þær séu geymdar á öruggum stað þar til úr því fæst skorið.
Landhelgisgæslan telur líklegast að kúlurnar tvær séu úr fallbyssu fransks herskips enda er til heimild um að slíkt skip hafi notað Þrídranga sem skotmark við æfingar.
