Í tilefni þess að 50 ár eru frá því að eldgosið á Heimaey lauk verður hlaup í boði Ísfélagsins sem allir geta tekið þátt í þann 7. júlí kl. 15:30.
Rútuferðir verða í boði frá bílastæðinu austan við Fiskiðju kl. 14:45. Upphitun hefst kl. 15:15 undir stjórn Íþróttaálfsins og ræsir hann hlaupið með litasprengju kl. 15:30. Mælt er með því að mæta í hvítum bolum.
Hlaupaleiðin er 2,3 km. Hún hefst við Krossinn í Eldfellsgýg og lýkur á Nausthamarsbryggju. Hlaupið er ræst af stað klukkan 15:30, en keppendur verða að vera komnir við rásmark 15:15. Þeir sem forskrá sig og ljúka keppni fá verðlaunapening.
Einnig verður boðið upp á að byrja hlaupið á Skansinum. Sú leið er 300 m og endar á Nausthamarsbryggju.
Stutt frá endamarki er Vigtartorg. Þar hefst fjölskylduskemmtun að hlaupi loknu.
Skráning í hlaupið er á netskraning.is og verður skráning opin til kl. 14 föstudaginn 7. júlí. Það kostar ekkert að vera með og eru allir velkomnir að taka þátt.
Myndir af hlaupaleið og götulokunum:
