Fimm þingmenn Sjálfstæðisflokksins lögðu til á Alþingi í gær að óbyggðanefnd hætti málsmeðferð varðandi eyjar, hólma og sker, eða svæði 12 í kröfugerð ríkisins, sem nokkuð hefur verið fjallað um síðustu vikur.
Kröfur ganga óþarflega langt
Katrín Jakobsdóttir forsætisráðherra mælti stjórnarfrumvarpi til laga um breytingar á lögum um þjóðlendur og ákvörðun marka eignarlanda, þjóðlendna og afrétta 22. febrúar síðastliðinn.
Að breytingatillögunni við frumvarpið standa þingmennirnir Teitur Björn Einarsson, Birgir Þórarinsson, Vilhjálmur Árnason, Jón Gunnarsson og Óli Björn Kárason en Teitur mælti fyrir tillögunni.
Í greinargerð með tillögunni segir: Í 1. tölul. er lagt til að valdsvið óbyggðanefndar verði takmarkað við landsvæði innan meginlandsins og í 3. tölul. er fellt brott ákvæði um málsmeðferð mála sem taka til landsvæða sem eru utan þess svæðis, þ.e. eyjar, sker, drangar o.fl. Hefur breytingin í för með sér að öll yfirstandandi mál sem taka til landsvæða utan meginlandsins falla niður.
