Samkvæmt skipulags- og umhverfisráði eru um 90 íbúða- og einbýlishúsalóðir í undirbúningi eða byggingu. Í ljósi þess að mikil uppbygging og fólksfjölgun mun eiga sér stað í kringum fyrirhugað fiskeldi í Viðlagafjöru, liggur því fyrir að fjölga þarf byggingalóðum og íbúðum á næstu misserum.

Áætlað er að um 200 störf skapist þegar starfsemin í Viðlagafjöru er komin af stað, 120 bein störf og 80 afleidd störf. Gæti íbúum með þessu fjölgað um 360 manns sem kallar á meira íbúðarhúsnæði, allt að 153 íbúðir.  

Það þrengir að með lóðir í bænum og til er einn reitur fyrir fjölbýlishús sem á eftir að úthluta. Hefja á skipulag fyrir íbúðabyggð við Löngulág á þessu ári, það ferli gæti tekið sex til tólf mánuði áður en kemur að hönnun og úthlutun.

Nánar í nýjasta tölublaði Eyjafrétta sem kom út 22. júní.