Sjávarréttahátíðin MATEY verður haldin 8., 9. og 10. september 2022.

Á hátíðinni verða í boði fjölmargar útfærslur af fiski veiddum í kringum Eyjarnar og framleiddum hjá hinum öflugu fiskvinnslum í Eyjum og matvælaframleiðendum eins og t.d. Ísfélaginu, VSV, Leo Seafood, Grími kokki,  Marhólmum, Aldingróðri og Iðunni Seafood.

Veitingastaðirnir í Eyjum Gott, Slippurinn, Einsi kaldi og Næs munu bjóða upp á margrétta sérseðla ásamt nokkrum af bestu matreiðslumönnum á Norðurlöndunum sem taka þátt í hátíðinni sem gestakokkar.  Á Tanganum, Kránni og Gott verða í boði sérréttir og Brothers Brewery bjóða upp á nýjan bjór, Okkar eigin hvönn, í tilefni hátíðarinnar. 

Matur í sinni minnst unnu mynd
Hjónin Junayd frá Trinidad & US og Fjölla frá Kosovo, opnuðu Honey Badger árið 2016 og sköpuðu þannig nýja villt-til-borðs (wild-to-table) matreiðsluupplifun sem vantaði í hverfinu þeirra, Prospect Lefferts Garden, New York.

Þessir skapandi kokkar bjóða upp á matseðil í Omakase-stíl sem undirstrikar hið mikla framboð í norðurhlutanum með hverju tímabili sem breytist. Með því að forgangsraða mat í sinni minnst unnu mynd, brýtur Honey Badger keðjuna með því að afbyggja rétti á hátt sem margir veitingastaðir hafa ekki reynt að gera.

Glæsilegt rými veitingastaðar þeirra í New York var byggt frá grunni og hannað með hjálp frá hinni tilkomumiklu ungu dóttur þeirra, Ninu, sem hafði hönd í bagga með mörgum þáttum í hönnun veitingastaðarins. Frá opnu eldhúsi rýmisins til brossins á andlitum þeirra, nota Junayd og Fjölla hvert tækifæri til að deila sögu sinni, frá minningu til máltíðar fyrir alla þeirra viðskiptavini sem þau taka hlýlega á móti.