Framhaldsskólakynning og Íslandsmót iðn- og verkgreina

Á annað hundrað nemendur keppa í iðn- og verkgreinum í Laugardalshöll

Dagana 16. til 18. mars 2023 mun Verkiðn halda Íslandsmót iðn- og verkgreina og framhaldsskólakynningu í Laugardalshöllinni í samvinnu við mennta- og barnamálaráðuneytið, sveitarfélög og fagfélög iðn- og starfsgreina.

Keppt í 22 faggreinum
Á annað hundrað keppendur taka þátt í 22 faggreinum og takast á við krefjandi og raunveruleg verkefni í samkeppni sem reynir á hæfni, skipulagshæfileika og fagmennsku. Sigurvegarar í 11 greinum eiga kost á að taka þátt í Evrópumóti iðn- og verkgreina sem fer fram í Gdansk í Póllandi í september nk.

Greinarnar eru: Bakaraiðn, bifreiðasmíði, bílamálun, fataiðn, forritun, framreiðsla, grafísk miðlun, gull- og silfursmíði, hársnyrtiiðn, húsasmíði, kjötiðn, matreiðsla, málaraiðn, málmsuða, pípulagnir, rafeindavirkjun, rafvirkjun, skrúðgarðyrkja, snyrtifræði, vefþróun, veggfóðrun og dúkalögn og múraraiðn.

Námsframboð í 30 framhaldsskólum kynnt
Á Minni framtíð sýna einnig 11 iðn- og verkgreinar á mótssvæðinu og leyfa gestum jafnvel að prófa handtökin. Þá kynnir 30 framhaldsskóli námsframboð sitt.

Mennta- og barnamálaráðherra, Ásmundur Einar Daðason, opnar viðburðinn fimmtudaginn 16. mars kl. 9.00 og óska keppendum góðs gengis. Ásmundur Einar mun við þetta tilefni spreyta sig á Íslandsmóti áhugamanna í iðn- og verkgreinum.

Fjölskyldudagur á laugardag
Á laugardag verður haldinn fjölskyldudagur og öll boðin velkomin að kynna sér nám á framhaldsskólastigi. Team Spark kynnir rafmagnsbílinn sinn, Sirkus Íslands sýnir listir sínar og fjölmargar keppnis- og sýningargreinar leyfa gestum að prófa handtökin. Keppendur í kjötiðn halda uppboð á afurðum keppni sinnar greinar.

Fjölmiðlafólk er velkomið að fylgjast með þessum spennandi viðburði.

Allar nánari upplýsingar um Mína framtíð er að finna á vefsíðunni www.namogstorf.is

Nánari upplýsingar veita:

  • Skapta Örn Ólafsson, fjölmiðlafulltrúi Mín framtíð í síma 899-2200
  • Kristjana Guðbrandsdóttur, verkefnasstjóri Mín framtíð í síma 611-5910

 

Nýjustu fréttir

Íþróttir
Hlynur bætti Íslandsmetið í hálfmaraþoni
Stjórnmál
Líflegt spjall á N1 við Friðarhöfn
Þjóðhátíð
Tjaldsvæði opnað inni í Herjólfshöll á Þjóðhátíð
Úr blaði Eyjafrétta
Örlygur Helgi ,,fyrst og fremst heiður”
Fréttir
Mannabreytingar í nefndum bæjarins eftir flokkaskipti
Íþróttir
Eyjamenn sækja Fram heim
Aðsend grein
Á rauðu ljósi í Reykjavík
Íþróttir
Elmar kom að tólf mörkum fyrir Nordhorn
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.