Nú stendur yfir innanbæjarkóramót í Vestmannaeyjum. Það eru Kór Landakirkju, Kvennakór Vestmannaeyja og Karlakór Vestmannaeyja sem að mótinu koma. Æfingar hafa staðið yfir bæði sameiginlegar og hver kór fyrir sig. Lokaviðburður mótsins er í kvöld mánudag. Þá koma kórarnir saman og flytja þau verk sem æfð hafa verið.

Tilgangur mótsins er að kórafólk í Eyjum hittist og fái smá innsýn í það sem er að gerast í hinum kórunum. Einnig að auka áhuga almennt á kórsöng.

Því vilja kórarnir bjóða áhugasömum bæjarbúum að njóta afraksturs mótsins á tónleikum í Safnaðarheimili Landakirkju í kvöld mánudaginn 9.oktober kl.20:00.

Flutningur fjölbreyttrar dagskrárinnar tekur tæpa klukkustund.

Aðgangur er ókeypis og eru allir velkomnir á tónleikana.

Mynd: Kvennakór Vestmannaeyja.