Í dag birtum við fyrstu leikmannakynninguna á leikmönnum ÍBV í körfubolta. Körfuboltinn í eyjum hefur verið á miklu skriði að undanförnu og birtum við í dag viðtal við einn af þeim leikmönnum sem hafa hvað lengst spilað fyrir ÍBV. Kristinn Þór Jóhannesson eða Diddi Jordan eins og hann er kallaður í körfunni svarar spurningum eyjar.net að þessu þinni.Fullt nafn:
Kristinn Þór Jóhannesson

Fæðingarár -og staður: 
1978 á Selfossi

Fjölskylduhagir & foreldrar:  
Einstæður. Guðrún Petra Ólafsdóttir er mamma mín og Jóhannes Kristinsson er faðir minn

Búseta:
Reykjavík eins og er en til stendur að flytjast í Hafnarfjörðinn

Atvinna:
Er að vinna hjá stórfyrirtækinu Bílaraf  ehf.

Áhugamál:
Alls kyns íþróttir og líkamsrækt

Staða á vellinum:
Bakvörður

Hæð:
190cm

Ferill:
Alla tíð spilað í Eyjum fyrst með Tý svo ÍV og loks ÍBV

Markmið í lífinu:
Að hafa það sem best og halda heilsu sem lengst…

Mottó:
Always look on the bright side….

Minnistæðasti leikur:
Veit það eiginlega ekki en ætli það hafi ekki verið þegar við unnum eitthvað lið í Varmahlíð og komumst uppí 1.deild í fyrsta skiptið. Það var spennandi leikur sem vannst á síðustu sek.

Erfiðasti andstæðingurinn:
Enginn sérstakur

Hver er grófastur í liðinu:
Góð spurning…..

Besti körfuknattleiksmaður fyrr og síðar:
Michael Jordan

Besti körfuknattleiksmaður sem Ísland hefur alið af sér:
Teitur Örlygsson var svakalega góður á sínum tíma

Uppáhaldslið:
Njarðvík, Chicago Bulls, Manchester United og auðvitað ÍBV

Er framtíðin björt í körfuboltanum í Vetur:
Já ég get ekki sagt annað en að framtíðin sé skínandi björt miðað við þann árangur sem yngri flokkarnir eru að sýna. Það er bara um að gera að halda rétt á spilunum þannig að þessi uppbygging skili sér.

Hvernig líst þér á liðið í vetur:  
Mjög vel, ef hópurinn helst svona eins og hann er núna þá erum við með fína breidd og ættum að komast í úrslitakeppnina og spjar okkur fínt þar.

Í hvaða sæti mun ÍBV enda í vetur ?
Topp 5 er raunhæft markmið og við ættum að geta náð því.