Fjórir nemendur úr eðlisfræði- og efnafræðiskorum Háskóla Íslands hljóta viðurkenningar fyrir framúrskarandi námsárangur í eðlis- og efnafræði

Fjórir nemendur, sem útskrifast hafa úr eðlis- og efnafræðiskorum raunvísindadeildar Háskóla Íslands hlutu í dag verðlaun úr Verðlaunasjóði Guðmundar P. Bjarnasonar frá Akranesi. Verðlaunin eru veitt fyrir framúrskarandi námsárangur árin 2006 og 2007. Tilkynnt var um viðurkenningarnar við hátíðlega athöfn í Skólabæ.

Verðlaunaféð nemur í heild sinni sautjánhundruð þúsund krónum en hver nemandi fær viðurkenningu að upphæð 400 eða 500 þúsund krónur. Allir verðlaunahafanir hafa hlotið mjög háa fyrstu einkunn í BS námi í eðlis- og efnafræði við Háskóla Íslands og eru styrkir úr sjóðum sem þessum ómetanlegir fyrir meistaranema og/eða doktorsnema við Háskóla Íslands til frekara náms.

Verðlaunahafarnir eru Ómar Valsson, sem hlýtur viðurkenningu fyrir framúrskarandi árangur í eðlisfræði árið 2006 og Elfa Ásdís Ólafsdóttir fyrir framúrskarandi námsárangur í lífefnafræði árið 2007. Þeir Sigurður Ægir Jónsson og Gunnar Sigurðsson fá viðurkenningu fyrir afburða árangur eðlisfræði árið 2007. Verðlaun Sigurðar nema hálfri milljón króna.

Ómar Valsson stundar meistaranám í eðlisfræði undir handleiðslu Viðars Guðmundssonar prófessors við H.Í. og Sigurður Ægir Jónsson er í meistaranámi í eðlisfræði undir handleiðslu Snorra Þorgeirs Ingvarssonar dósents við H.Í. Gunnar Sigurðsson er í framhaldsnámi við Stanfordháskóla í Bandaríkjunum og Elfa Ásdís Ólafsdóttir stundar viðbótarnám til kennararéttinda við félagsvísindadeild H.Í.

Ljóst er að hlutfallslega færri nemendur sækja háskólanám í eðlis- og efnafræði á Íslandi en í nágrannalöndunum. Stuðningur Guðmundar við háskólanemendur í eðlis- og efnafræði er svo sannarlega mikilvægt lóð á þá vogarskál að hvetja unga Íslendinga til að sækja nám á þessum sviðum.

Verðlaunasjóður Guðmundar P. Bjarnasonar frá Akranesi var stofnaður árið 2000 með rausnarlegri gjöf Guðmundar sem fæddist á Sýruparti á Akranesi 1909 og bjó um árabil á Höfða, dvalarheimili aldraðra á Akranesi. Guðmundur lést í febrúarmánuði 2006 í hárri elli. Tilgangur sjóðsins er að verðlauna efnilega útskriftarnemendur í eðlisfræði og efnafræði við Háskóla Íslands. Guðmundur átti þess ekki kost að stunda háskólanám en starfaði sem netagerðamaður og fiskmatsmaður á Akranesi auk þess að stunda útgerð í félagi við bróður sinn. Guðmundur var einn af stofnendum Knattspyrnufélagsins Kára árið 1922 og Taflfélags Akraness árið 1933. Guðmundur hefur einnig stofnað sjóði til stuðnings við efnilega nemendur úr Brekkubæjarskóla, Grundarskóla og Fjölbrautarskóla Vesturlands.

Sjóðsstjórn skipa Guðmundur G. Haraldsson prófessor í efnafræði, sem er formaður, Hafliði Pétur Gíslason prófessor í eðlisfræði og Birgir Örn Arnarson fulltrúi KB banka sem er vörsluaðili sjóðsins samkvæmt skipulagskrá.

Styrktarsjóðir Háskóla Íslands hafa umsjón með sjóðum og gjöfum sem ánafnaðar hafa verið Háskóla Íslands, allt frá stofnun skólans. Flestir starfa samkvæmt staðfestri skipulagsskrá og er þeim ætlað að styðja við ýmis verkefni á ákveðnum fræðasviðum til hagsældar fyrir Háskóla Íslands, stúdenta eða starfsfólk.

Nýjustu fréttir

Íþróttir
ÍBV tapaði á Akureyri
Fréttir
Í dag eru 84 íbúðir í byggingu
Íþróttir
ÍBV sækir KA heim í dag
Íþróttir
Eyjamenn í eldlínunni
Fréttir
Konudagurinn er í dag
Íþróttir
Jafnt hjá ÍBV og Fram í Lengjubikar kvenna
Íþróttir
Tómas Bent og félagar í Hearts aftur á sigurbraut
Íþróttir
ÍBV vann Suðurlandsslaginn
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.