Á minnisblaði sem Elliði bæjarstjóri lagði fram um skuldastöðu Vestmannaeyjabæjar á bæjarráðsfundi í gær kemur fram að skuldir og skuldbindingar bæjarins eru rúmlega 4.1 milljarðar.

Nýverið var hlutafé Vestmannaeyjabæjar selt í Hitaveitu Suðurnesja og fékkst fyrir það 3.6 milljarðar. Miðað við þessa skuldastöðu Vestmannaeyjabæjar eiga kjörnir bæjarfulltrúar erfitt verk fyrir höndum að fara með þá fjármuni á þann veg að þeir nýtist sem allra best fyrir sveitafélagið í nútíð og framtíð.