Rakarastofa Björns og Kjartans í Miðgarði á Selfossi fagnar 60 ára afmæli um þessar mundir.

Af því tilefni býður stofan til sýningar á munum og myndum af starfsemi fyrirtækisins s.l. 60 ár og verður uppsett stofa frumherjans Gísla Sigurðssonar í anddyri Miðgarðs sem hefst fimmtudaginn 27. nóvember og stendur til 24. desember.

Rakarastofan býður upp á kaffiveitingar fimmtudag, föstudag og laugardag í tilefni af tímamótunum eða 27. 28. og 29. nóvember á opnunartíma en á laugardag verður opið til klukkan 18.