KFS hafði betur gegn Afríku í B-riðli 3. deildar í dag en leikur liðanna fór fram í mikilli rigningu á Þórsvellinum. Lokatölur urðu 6:0 eftir að staðan í hálfleik var 2:0. KFS er nú í öðru sæti B-riðils en tvö efstu lið riðilsins komast í úrslitakeppni deildarinnar. Berserkir hafa þegar tryggt sér efsta sætið en fyrir síðustu umferðina er KFS með 19 stig en í þriðja og fjórða sæti eru KFK og Ægir með 17 stig. KFS mætir einmitt Ægi á útivelli í síðstu umferðinni.