Eyjamenn fara með eins marks forystu til Írlands eftir að hafa lagt Saint Patrick’s Atheltic í fyrri leik liðanna í kvöld í forkeppni Evrópudeildarinnar. Leikurinn fór fram við mjög góðar aðstæður á Vodafonevelli Valsmanna í Reykjavík og veðrið var frábært. Eftir markalausan fyrri hálfleik var það Andri Ólafsson, fyrirliði ÍBV sem tryggði ÍBV sigurinn á 50. mínútu þegar hann skoraði örugglega úr víti eftir að brotið var á Tryggva Guðmundssyni.