Útvegsbændafélag Vestmannaeyja sendi frá sér umsögn vegna fyrirhuguðu fiskveiðifrumvarpi ríkisstjórnarinnar. „ÚV áætlar að um 80 störf við sjávarútveg í Vestmannaeyjum hafi eða muni glatast við ákvarðanir stjórnvalda. Til viðbótar er áætlað að um 100 afleidd störf tapist. Núverandi stjórnvöld hafa með breytingum á fiskveiðistjórnarkerfinu valdið því að 100 fjölskyldur í Vestmannaeyjum hafa eða munu glata lífsviðurværinu og það telst meiriháttar högg af mannavöldum fyrir þetta samfélag,“ segir m.a. í umsögninni.