- Eyjafréttir
- ·
- Fréttir
- ·
Að virkja óvininn
Þegar eldgosinu á Heimaey lauk 1973 kom hugmynd frá Sveinbirni Jónssyni úr Reykjavík að nýta varmaorkuna til upphitunar húsa. Það var í ársbyrjun 1974 sem Sveinbjörn setti upp einfaldan varmaskipti á Eldfellshrauni og lét kalt vatn renna í gegnum hann. Vatnið hitnaði samstundis og var heita vatnið leitt inn á hitakerfi húss sem stóð nálægt hrauninu. Seinni hluta vetrarins 1974 var sett upp tilraunahitaveita í svonefndu Gufugili. Þessi hitaveita hitaði 25 hús auk sjúkrahússins. Hitakerfi þessarar veitu var lokað hringrásarkerfi.
