Lögreglan í Vestmannaeyjum mun auka við sinn mannskap vegna komandi Goslokahátíðar enda má búast við miklum mannfjölda í bænum. Eyjamenn og gestir þeirra fagna því um helgina að 40 ár eru liðin frá því að eldgosinu lauk á Heimaey og eru hátíðahöldin sérlega vegleg við þessi tímamót. Annars gekk síðasta vika vel fyrir sig hjá lögreglunni en talsverður fjöldi var í Eyjum í tengslum við Shellmótið. Þetta kemur fram í dagbókarfærslu lögreglunnar sem má lesa hér að neðan.