Haustfundur hótel- og veitingamanna Samtaka ferðaþjónustunnar árið 2014 fer fram í Vestmannaeyjum á morgun fimmtudaginn 9. október nk. Fundurinn verður í AK�?GES og er gert ráð fyrir að fundarmenn verði á milli 40 og 50.

Fundurinn verður settur klukkan 09.30 og verður komið inn á brýnustu hagsmunamál samtakanna. M.a. hvaða hagkvæmni felst í aukinni umhverfisvitund fyrirtækja. Í Heita pottinum, þar sem það sem efst er á baugi í umhverfi hótel- og veitingamanna verður farið yfir sviðið, m.a. breytingar á VSK, lög um veitingahús- og gististaði, einföldun regluverks, fræðslumál o.fl. Kl. 15.15 Glöggt er gests auga er hugvekja um ferðaþjónustu sem Páll Magnússon, Eyjapeyi og fv. útvarpsstjóri flytur.

Á eftir verður óvissuferð í boði Eyjamanna, rútuferð um Heimaey, bátsferð með Ribsafari fyrir þá sem vilja og endað á skemmtilegum stað.

Um kvöldið er hátíðarkvöldverður í Eldheimum þar sem veislustjórn og skemmtiatriði verða í höndum heimamanna, danstónlist o.fl.