Stellu Hauks verður minnst á Obladí Oblada í Reykjavík á morgun, laugardag og hefst dagskráin klukkan fjögur en staðurinn er opnaður um hádegisbil. Guðný Stella Hauksdóttir, eins og hún hét fullu nafni var fædd 17. nóvember 1953 og lést 17. janúar 2015. Hún var jarðsungin frá Landakirkju síðasta laugardag að viðstöddu fjölmenni.

�??Margir minnast Stellu með hlýhug og um hana segir Guðný Einarsdóttir í Eyjafréttum á laugardaginn: -Stella var sterkur karakter, listamaður af Guðs náð og samdi lög og texta eins og ekkert væri. Hún átti mörg frábær lög og texta eins og “Lyklabarnið” og “Taktu skítugar hendurnar þínar í burtu af mínum” og hefði mátt gefa út miklu meira af efni eftir hana. Með hjálp frábærra lista- og tónlistarmanna hélt Stella nokkra tónleika og gaf út diska og voru það draumar sem rættust fyrir henni, þökk sé þessu góða fólki. Stella var ein sú tryggasta manneskja sem ég þekki og mátti ekkert aumt sjá. Hún gerði aldrei flugu mein og stóð alltaf með þeim sem minna máttu sín í þjóðfélaginu. Hún var mikil baráttukona fyrir verkafólk og stóð föst á sínum sterku skoðunum. Stundum urðu smá skoðunarárekstrar á léttu nótunum og þá man maður eftir setningum eins og “okei þetta er þá prentvilla í blaðinu” ef hún varð að játa sig sigraða.

�?að geta margir tekið undir þetta en margir þekkja ekki lögin og textana hennar. Í þætti á R�?V fyrir skömmu fóru Andrea Jónsdóttir og Bjartmar Guðlaugsson yfir feril Stellu.