Menningar-, nýsköpunar- og háskólaráðuneytið hefur úthlutað samtals 15 milljónum króna til níu útgefenda einkarekinna, staðbundinna fjölmiðla utan höfuðborgarsvæðisins. Hver útgefandi fær um 1,67 milljónir króna.

Þetta kemur fram í tilkynningu ráðuneytisins. Þar segir að markmið styrkjanna sé að efla staðbundna fjölmiðla á landsbyggðinni og styðja við aðgengi almennings að upplýsingum um menningar- og samfélagsmál, lýðræðisþátttöku og menningarstarf.

Alls bárust tíu umsóknir en níu þeirra uppfylltu skilyrði reglna nr. 833/2026 um styrkveitingar til staðbundinna fjölmiðla.

Af heildarfjárhæðinni koma 12,5 milljónir króna frá menningar-, nýsköpunar- og háskólaráðuneytinu og 2,5 milljónir frá innviðaráðuneytinu vegna aðgerðarinnar Efling fjölmiðlunar í héraði í byggðaáætlun. Fjárhæðinni er skipt jafnt milli þeirra umsækjenda sem uppfylltu skilyrðin.

Eftirfarandi útgefendur hljóta styrk:

• Eigin herra ehf., sem gefur út Akureyri.net.
• Útgáfufélag Austurlands ehf., sem gefur út Austurgluggann og Austurfrett.is.
• Prentsmiðjan Steinprent ehf., sem gefur út Bæjarblaðið Jökul.
• Prentmet Oddi ehf., sem gefur út Dagskrána – Fréttablað Suðurlands og DFS.is.
• Eyjasýn ehf., sem gefur út Eyjafréttir og Eyjafrettir.is.
• Kaffið fjölmiðill ehf., sem gefur út Kaffið.is.
• Skessuhorn ehf., sem gefur út Skessuhorn og Skessuhorn.is.
• Útgáfufélagið ehf., sem gefur út Vikublaðið og Vikubladid.is.
• Víkurfréttir ehf., sem gefur út Víkurfréttir og Vf.is.