Væri synd ef Eyjamenn leggðu ekki sitt á vogaskálarnar
Erla Einarsdóttir ásamt fleiri góðum konum eru að fara af stað með verkefni sem allir geta verið þátttakendur í. Erla ætlar að fara í samstarf með matvöruverslunum bæjarins og taka skref í átt að minni plastnotkun. Hún ætlar að taka gömul efni sem annars væru á leiðinni í ruslið og sauma úr þeim fjölnota matvörupoka sem fólk getur fengið lánaða í matvöruversluninni ef það gleymir sínum heima, því flest eigum við fjölnotapoka og margir gleyma þeim heima.
�??Margrét Lilja Magnúsdóttir átti upphaflegu hugmyndina og kom fullt af efni á mig, ég fékk svo Ágústu Huldu Árnadóttur með mér í þetta,�?? sagði Erla í samtali við Eyjafréttir. Dóttir Erlu, Anna Margrét býr á Blöndósi og þar hafa verið gerðir yfir 500 pokar og verkefnið gengið vel.
Einhverstaðar verðum við að byrja
�??Markmiðið er að margt smátt geri eitt stór, einhverstaðar verðum við að byrja,�?? sagði Erla. En hún sagði að víða erlendis væru plastpokar ekki í boði og þetta væri góð byrjun. �??Við þurfum að hugsa um börnin okkar og barnabörnin sem eru að taka við landinu fullu af rusli,�?? sagði Erla.
Vantar aðstoð og efni
Erla hefur fengið aðstöðu í kvenfélaghúsinu og ætlar hún að byrja verkefnið miðvikudaginn 4. apríl, frá klukkan 16-18 og svo annanhvern miðvikudag eftir það. Hún biðlar til fólks að koma með efni í verkefnið eða hjálpa til, �??Hvort sem það eru gamlir dúkar, rúmföt eða gardínur, allt nýtist,�?? sagði Erla. Einnig má fólk koma og hjálpa, �??hvort sem það er að sauma, sníða eða strauja, ýmislegt sem er hægt að hjálpa við. Einnig er hægt að hafa samband við mig eða Ágústu og við komum og sækjum efnið, ef það hentar betur,�?? sagði Erla
�?etta getur verið okkar framtak í átt að minni plastnotkun. �??Væri algjör synd ef Eyjamenn leggja ekki sitt á vogaskálarnar,�?? sagði Erla að lokum.

Nýjustu fréttir

Áhugavert
„Fjörutíu árum síðar – með þakklæti til FÍV“
Áhugavert
Þrír reynslumiklir sjómenn heiðraðir á Sjómannadaginn
Íþróttir
Kristín Klara spilaði í Sundsvall með u-19 ára landsliðinu
Íþróttir
Æskudraumur Díönu Daggar rættist
Fréttir
Hugrekki er oft bara að halda áfram
Fréttir
Skólanum slitið á Stakkó
Menntamál
Hrafnhildur Hallgrímsdóttir með 9,0 í meðaleinkunn
Bæjarmálin
Íris ráðin bæjarstjóri til næstu fjögurra ára
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.