Stelpurnar steinlágu fyrir Fram

ÍBV heimsótti Fram í Safamýrina í gærkvöld í leik í Olís-deild kvenna í handbolta.

Jafnræði vara á upphafsmínútum leiksins en fljótlega tóku Framkonur öll völd á vellinum. Staðan í hálfleik 20-10.
Eyjakonur byrjuðu seinni hálfleikinn ágætlega áður en Fram tók fljótlega stjórntaumana á ný. Niðurstaðan því tólfmarka sigur Framstúlkna 39-27.

Ester Óskarsdóttir var markahæst í liði ÍBV með 6 mörk. Aðrir markaskorarar voru Ásta Björt Júlíusdóttir – 5, Greta Kavaliauskaite – 5, Arna Sif Pálsdóttir – 4, Kristrún Hlynsdóttir – 3, Karolína Bæhrenz Lárudóttir – 2, Sandra Dís Sigurðardóttir – 1 og Sunna Jónsdóttir – 1. Guðný Jenný Ásmundsdóttir varði 5 skot í marki ÍBV.

„Við erum bún­ar að fá nokkra skelli í vet­ur og maður held­ur alltaf að við kom­um til baka en það gerðist ekki í kvöld. Við höf­um oft spilað góða leiki á móti Fram en við vor­um mjög slak­ar í þess­um leik og liðið skort­ir sjálfs­traust, það er al­veg ljóst, og það er mikið áhyggju­efni,” sagði Hrafn­hild­ur Skúla­dótt­ir, þjálf­ari ÍBV, í sam­tali við mbl.is eft­ir í gær.
„Varn­ar­leik­ur­inn er mjög stórt áhyggju­efni fyr­ir okk­ur þar sem við vor­um að spila mjög agaðan og flott­an varn­ar­leik fyr­ir ára­mót.”

Eftir sex leiki eftir áramót liggur aðeins einn sigur og fimm frekar stór töp. Skorað 129 mörk en fengið á sig 169 s.s. markatalan -40.
Stelpurnar standa sem er í 4. sæti Olísdeildarinnar með 17 stig, markatöluna -13, 8 sigra, eitt jafntefli og 7 töp.
Næsti leikur stelpnanna í deildinni er hér heima gegn HK þriðjudaginn 26. febrúar. En fyrst fá þær lið KA og Þórs til sín í Coca-cola bikarnum laugardaginn 23. febrúar næstkomandi.

 

Nýjustu fréttir

Íþróttir
ÍBV strákarnir urðu einnig Powerade bikarmeistarar í 3. flokki
Samgöngur
Dýpið mælt í Landeyjahöfn
Íþróttir
ÍBV Powerade bikarmeistari í 3. flokki kvenna
Myndband
Mars heilsar með frosti
Áhugavert
Vel heppnað námskeið í Hvíta húsinu
Sjávarútvegur
Loðnuvertíðin líflína fyrir japanskan markað 
Íþróttir
Elliði með stórleik gegn Kiel
Laxey
Laxey – Metnaðarfull uppbygging sem styrkir atvinnulíf og framtíð samfélagsins
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.