Sextíu saman komin að blóta þorra

Eyjafréttir
·
Almennt
·
9. febrúar 2024

„Það var hörkumæting á blótið í ár. Við vorum um sextíu saman komin, mættum klukkan sex og vorum að fram yfir klukkan níu. Mjög vel heppnað og afar þakklátir gestir sem kvöddust að teitinu loknu,“ segir Þór Vilhjálmsson um þorrablót Vinnslustöðvarinnar til heiðurs fyrrverandi starfsmönnum sínum og mökum þeirra að kvöldi fimmtudagsins 8. febrúar.

Borðin svignuðu

Á vef Vinnslustöðvarinnar segir að Þór sinni mikilvægu verkefni við undirbúninginn. Er þá í hlutverki smaladrengs nema hvað hann rakar saman fólki en ekki fénaði. Þór hringir í væntanlega gesti og býður til blóts á þann persónulega hátt sem honum er lagið.

Sigurgeir Brynjar, framkvæmdastjóri Vinnslustöðvarinnar, kom beint á samkomuna frá Hamborg, ávarpaði gesti og rakti það sem efst væri á baugi í starfsemi fyrirtækisins.

Halli Steini – Haraldur Þorsteinn Gunnarsson – sýndi Eyjamyndir sem gerðu mikla lukku. Og að sjálfsögðu svignuðu svo borð undan þorramat og drykkjarföngum af öllu tagi og við allra hæfi.

Mælist afar vel fyrir

„Vinnslustöðin hefur í þó nokkur ár boðið fyrrverandi starfsmönnum og mökum á þorrablót, eina fyrirtækið í Vestmannaeyjum sem það gerir. Við vorum áður í sal Akóges en í glæsilegum matsal Vinnslustöðvarinnar sjálfrar eftir að hann var tekinn í gagnið.

Þetta mælist afar vel fyrir og ég nefni þá um leið að Vinnslustöðin hefur árum saman gefið fyrrverandi starfsmönnum og fjölskyldum þeirra síld og veglega konfektkassa fyrir jólin – heimsendar hátíðarkveðjur á aðventunni.

Ráðamenn fyrirtækisins eiga miklar þakkir skildar fyrir ræktarsemi við fyrrverandi starfsmenn sína.“ segir Þór í umfjölluninni.

Fleiri myndir frá blótinu má sjá hér.

Nýjustu fréttir

Stjórnmál

Íris ætlar að ganga í Sjálfstæðisflokkinn

Íþróttir

Arnór með fimm mörk í jafntefli Karlskrona

Stjórnmál

Rannveig Ísfjörð sækist eftir 4. sæti í prófkjöri Sjálfstæðisflokksins

Sjávarútvegur

Systurskipin landa fullfermi

Áhugavert

Golfvöllurinn í Eyjum tilnefndur til alþjóðlegra verðlauna

Stjórnmál

Aníta sækist eftir 2. sæti í prófkjöri Sjálfstæðisflokksins

Stjórnmál

Enginn úr núverandi meirihluta gefur kost á sér áfram

Fréttir

Síðasti séns! Taktu þátt í að móta menningarstefnu Vestmannaeyja

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki