- Eyjafréttir
- ·
- Almennt
- ·
Fyrir helgi fjallaði Eyjar.net um nýja gjaldskrá Vestmannaeyjabæjar í sorpförgun.
https://eyjar.net/ny-gjaldskra-gnaefir-yfir-adra/
Fram kemur í tilkynningu frá bæjaryfirvöldum vegna málsins að gjaldskráin sem sé á heimsíðu Vestmannaeyjabæjar gildi eingöngu fyrir fyrirtæki ekki íbúa.
Framsetningin hefði mátt vera skýrari
„Vestmannaeyjabær hefur ekki verið með sérstaka íbúagjaldskrá enda hafa íbúar ekki greitt fyrir að henda sorpi á móttökustöð en nú þarf að breyta því eins og áður hefur komið fram.
Á næsta fundi framkvæmda- og hafnarráðs verður lögð fram íbúagjaldskrá. Íbúar hafa ekki verið rukkaðir og verða ekki rukkaðir fyrr en íbúagjaldskrá tekur gildi. Íbúagjaldskrá mun endurspegla raunkostnað við að flytja sorp á förgunarstað og að förgun þess eins og lög gera ráð fyrir. Þessar breytingar á gjaldtöku og umgjörð tengdu sorpinu hafa tekið lengri tíma en áætlað var. Á næstu mánuðum verður boðinn út rekstur á sorphirðu og sorpförgun. Þegar nýr rekstarasamningur liggur fyrir verður gjaldskráin tekin upp og samræmd nýjum verðum frá rekstraraðila.
Framsetningin á gjaldskráinni hefði mátt vera skýrari og hefði verið hægt að koma í veg fyrir þær áhyggjur sem íbúar eðlilega hafa að þeirri gjaldskrá sem birt er á vef Vestmannaeyjabæjar.” segir í tilkynningunni.
