Alvarlegt flugatvik við Vestmannaeyjar
yfir_eyjar_DSC0009_opf
Tvær einkaflugvélar rákust saman á flugi við Vestmannaeyjar í gær. Eyjar.net/Óskar P. Friðriksson

Tvær einkaflugvélar rákust saman á flugi við Vestmannaeyjar í gær. Flugmaður og farþegi voru í annarri vélinni en aðeins flugmaður í hinni.

Vík­ur­frétt­ir greina frá þessu. Segir í umfjölluninni að báðar vélar hafi verið flughæfar eftir að hafa rekist saman á flugi, og þeim hafi verið lent á Keflavíkurflugvelli. Flugvélarnar eru báðar af gerðinni Kingair B200 og skráðar erlendis. Til stóð að fljúga þeim ferjuflugi til Norður-Ameríku.

Enn fremur segir í frétt Víkurfrétta að rannsóknarnefnd samgönguslysa sé með atvikið til rannsóknar. Fyrst um sinn hafi flugmenn flugvélanna þó ekki tilkynnt um atvikið. Það hafi ekki verið gert fyrr en þjónustuaðilar á Keflavíkurflugvelli tóku eftir skemmdum sem hlutust af árekstrinum. Þá var kölluð til lögregla og fulltrúar Rannsóknarnefndar samgönguslysa.

Vélarnar standa enn á Keflavíkurflugvelli en frekari upplýsingar er ekki að hafa um flugatvikið, sem sagt er alvarlegt, segir í frétt Víkurfrétta.

Nýjustu fréttir

Fjölgun brota endurspegli aukið ofbeldi
Eyjakonur mæta Stjörnunni í bikarslag í kvöld
Heimir og Írar fara í umspil í Þjóðadeildinni
Átján framúrskarandi fyrirtæki í Eyjum
Bærinn semur við kaupmenn um jólagjafakort
Fjarvarmi í Eyjum hækkaði um 4,81% í nóvember
Herjólfur miðar við 2,5% hækkun um áramót
Já, nei, já
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.