Vestmannaeyjabær sendi erindi þann 25. mars sl. til Orkustofnunar og orkumálaráðuneytis, skv. ósk bæjarstjórnar, þar sem beðið var um rökstuðning og upplýsingar sem lágu til grundvallar við samþykkt gjaldskrárhækkana HS Veitna á heitu vatni sl. mánuði upp á samtals 33%.

Orkumálaráðuneytið vildi kanna hjá HS Veitum hvort það bryti mögulega í bága við upplýsingalög að láta Vestamannaeyjabæ þessar upplýsingar í té. Beðið er frekari svara. Ekkert svar eða viðbrögð hafa borist frá Orkustofnun, þrátt fyrir ítrekanir og beiðni um staðfestingu á móttöku erindis, segir í bókun bæjarráðs Vestmannaeyja.

Í afgreiðslu bæjarráðs segir að ráðið telji óásættanlegt að engin viðbrögð hafi komið frá orkumálastjóra í þessu mikla hagsmunamáli Vestmannaeyinga og felur framkvæmdastjóra stjórnsýslu- og fjármálasviðs að senda erindið á staðgengil orkumálastjóra og óska viðbragða.

https://eyjar.net/raduneytid-oskar-eftir-afstodu-hs-veitna/

https://eyjar.net/lodin-svor-orkustofnunar-til-eyjamanna/